اسلام آباد : پاکستان میں کوروناوائرس نے مزید 5 افرادکی زندگی نگل لی،اموات کی تعداد 50 ہوگئی جبکہ مریضوں کی 3 ہزار سے تجاوز کر گئی۔

تفصیلات کے مطابق نیشنل کمانڈاینڈآپریشن سینٹرکی کورونا سے متعلق تازہ ترین اعدادو شمار جاری کردیئے، جس میں بتایا ملک میں کورونا کے تصدیق شدہ کیسزکی تعداد3277تک پہنچ گئی ہے۔

گزشتہ24گھنٹےکےدوران 397نئےکیسزرپورٹ ہوئے، پنجاب میں کورونا وائرس کے سب سے زیادہ 1493 کیسز ہیں اور سندھ میں کورون اوائرس کے کیسز کی تعداد881 ہوگئی ہے جبکہ خیبر پختونخواہ میں405 ، گلگت بلتستان میں210 ، بلوچستان میں 191 ،اسلام آباد میں 82، آزاد کشمیر میں15 کیسز ہیں۔

نیشنل کمانڈاینڈآپریشن سینٹر کا کہنا ہے کہ مجموعی طورپر61فیصدکیسزدیگرممالک سےآئے،39فیصدمقامی طور پر پھیلے، اب تک 257مریض صحتیاب اور 50جاں بحق ہوئے، سندھ 15،پنجاب 15،کے پی16، جی بی 3 اور آزاد کشمیر میں ایک مریض جاں بحق ہوا۔

این سی اوسی کے مطابق اب تک35ہزار875افرادکےٹیسٹ کیےجاچکےہیں، گزشتہ 24 گھنٹے کے دوران1933 نئے ٹیسٹ کئے گئے جبکہ ملک کے462 اسپتالوں میں قائم قرنطینہ مراکزمیں مریضوں کا علاج جاری ہے۔