لندن میں مسلم ریستوران کا کرسمس پرانوکھا اعلان

17 تعبيرية بدھ 7 دسمبر‬‮ 6102 - (صبح 6 بجکر 81 منٹ)

شیئر کریں:

لندن میں مسلم ریستوران کا کرسمس پرانوکھا اعلان لندن میں ایک ریستوران کے مسلمان مالک نے کرسمس کے موقع پر بے گھر اور بزرگ افراد کے لیے تین ڈشوں پر مشتمل مفت کھانے کا اعلان کیا ہےکہ اس اہم دن پر کوئی بھی شخص’’اکیلے کھانا نہ کھائے‘‘۔ تفصیلات کے مطابق سڈ کپ کے علاقے میں واقع ’شیش ریستوران‘نے مقامی آبادی کو ایک پوسٹر کے ذریعےدعوت دی ہے کہ اس 25دسمبر کو ’ ہم آپ کے ساتھ بیٹھنے کے لیے حاضر ہیں‘۔ ریستوران نے سماجی رابطوں کی ویب سائٹس پر بھی عوام سے درخواست کی ہے کہ ان کا یہ پیغام آگے پھیلایا جائے‘ ان کے اس احسن اقدام کو عوام میں بے پناہ پذیرائی مل رہی ہے۔ pic.twitter.com/0BUh2gvOlz — Shish restaurant (@shishsidcup) November 18, 2016 اس موقع پرعوام میں انتہائی مثبت ردعمل دیکھنے میں آیا ہے ۔ سوزینہ حارث کہتی ہیں کہ ’’ کیا زبردست بات ہے‘ ایک ریستوران کرسمس کے موقع پر کمانے کے بجائے عوام کو کچھ دینے کی بات کررہا ہے۔ اگر میں علاقے میں ہوئی تو نئے سال میں یہاں ضرور جاؤں گی‘‘۔ لنڈا لیچ نامی ایک خاتون نے کہا ہے کہ ’’ دنیا میں ابھی بھی رحمدلی کا جذبہ باقی ہے‘ حیرت انگیز لوگ ہیں یہ‘‘۔ ریستوران کے اس پیغام کو سماجی رابطے کی ویب سائٹ ٹویٹر پر بھی انتہائی مثبت ردعمل مل رہا ہے جہا ں ایک صارف کا کہنا تھا کہ ’’انتہائی زبردست پیغام۔ یہ ہوتی ہے معاشرے کی اصل روح! خدا انہیں خوش رکھے‘‘۔ ایک اور سوشل میڈیا صارف کا کہنا تھا کہ ’’یہ ان احسن اقدامات میں سے ایک ہے جس کا مظاہرہ مسلمانوں کی جانب سے کیا جاتا رہتاہے‘‘۔ ریستوران کی جانب سے 25 دسمبر یعنی کرسمس کے موقع پر اعلان کردہ دعوت دوپہر12 بجے سے شام 6 بجے تک جاری رہے گی۔ مینو میں سوپ ‘ چکن کیزرول‘ ویجیٹیبل کیزرول اور چکن شیش( کوئی ایک) اور میٹھے میں چاولوں کی پڈنگ شامل ہیں۔ اس خبر کو لائیک یا شیئر کرنے اور مزید خبروں تک فوری رسائی کے لیے ہمارا اور وزٹ کریں