آپ نے فلم گوڈزیلا میں ایک دیو قامت ڈائنو سار نما مخلوق تو ضرور دیکھی ہوگی، جسے دیکھتے ہوئے اگر آپ نے حقیقت میں اس کا تصور بھی کیا ہوگا تو آپ کے رونگٹے کھڑے ہوگئے ہوں گے۔ کچھ دن قبل سوشل میڈیا پر ایک ایسی ہی ویڈیو نے لوگوں کے دل دہلا دیے جس میں اسی فلم کے گوڈزیلا سے مشابہت رکھنے والی مخلوق چہل قدمی کرتی نظر آرہی ہے۔ یہ ویڈیو کم جوئنر نامی ایک سیاح نے پوسٹ کی اور اس کا کہنا ہے کہ اس نے یہ ویڈیو فلوریڈا کے سرکل بی بار ریزرو میں فلمائی۔ ویڈیو میں اس نے اس جانور کو فطرت کا بہترین مظہر قرار دیا۔ بارہ فٹ لمبا یہ جانور ہے تو مگر مچھ، مگر اس کا قد و قامت، جسامت اور وزن غیر معمولی ہے جو دیکھنے والوں کو خوف میں مبتلا کردیتا ہے۔ فیس بک پر اس ویڈیو کے پوسٹ ہونے کے بعد جہاں ایک طرف تو لوگوں نے اسے جراسک پارک کے ڈائنوسار اور گوڈزیلا سے تشبیہہ دی، وہیں کئی صحافیوں نے بھی سیاح سے رابطہ کیا جو یہ جاننا چاہتے تھے کہ آیا یہ ویڈیو اصل ہے یا نہیں۔ اس خبر کو لائیک یا شیئر کرنے اور مزید خبروں تک فوری رسائی کے لیے ہمارا اور وزٹ کریں