کیا آپ جانتے ہیں کہ پھل اور سبزیاں نہ صرف ہمیں جسمانی بلکہ دماغی طور پر بھی فائدہ پہنچاتی ہیں اور ہماری دماغی استعداد میں اضافہ کرتی ہیں؟ کینیڈا کی مک ماسٹر یونیورسٹی کی جانب سے کی جانے والی ایک تحقیق کے مطابق تازہ پھل اور سبزیاں دماغی کارکردگی اور یادداشت میں اضافہ کرتی ہیں۔ ماہرین نے اس فہرست میں تمام پھلوں اور سبز سبزیوں کے ساتھ زیتون کے تیل اور گری دار میووں کو بھی شامل کیا۔ مزید پڑھیں: روزانہ خشک میوہ جات کا استعمال بے شمار بیماریوں سے بچائے ماہرین نے بتایا کہ یہ تمام غذائی اشیا ہمارے دماغ کو بوسیدگی سے محفوظ رکھتی ہیں اور ہم خرابی یادداشت کا شکار ہونے سے بھی بچ جاتے ہیں۔ یہی نہیں پھل اور سبزیاں ہماری دماغ کی استعداد اور فعالیت میں بھی اضافہ کرتی ہیں۔ اس تحقیق کے لیے ماہرین نے 40 ممالک میں 27 ہزار سے زائد افراد کی غذائی عادات کا جائزہ لیا جس کے بعد انہوں نے نتیجہ اخذ کیا کہ درمیانی عمر میں پھلوں اور سبزیوں کا زیادہ استعمال دماغ کے لیے نہایت مفید ہے۔ ماہرین نے یہ بھی بتایا کہ صحت بخش غذاؤں کی وجہ سے موسمی و وبائی اور دیگر بیماریوں میں مبتلا ہونے کا امکان بھی 24 فیصد کم ہوجاتا ہے۔ طبی ماہرین کا کہنا ہے کہ چونکہ پھل اور سبزیاں کم چکنائی کی حامل، پوٹاشیئم، ریشہ، فولک ایسڈ، وٹامن اے اور وٹامن سی سے بھرپور ہوتے ہیں لہٰذا یہ فالج، کینسر اور امراض قلب سے بھی بچاتے ہیں۔ اس خبر کو لائیک یا شیئر کرنے اور مزید خبروں تک فوری رسائی کے لیے ہمارا اور وزٹ کریں