میلانیا کا صدر ٹرمپ کا کہنا ماننے سے انکار

25 تعبيرية جمعہ 20 جنوری‬‮ 7102 - (سپہر 4 بجکر 01 منٹ)

شیئر کریں:

میلانیا کا صدر ٹرمپ کا کہنا ماننے سے انکار واشنگٹن: امریکا کے نو منتخب صدر ٹرمپ کو اس وقت نہایت خفت انگیز صورتحال کا سامنا کرنا پڑا جب ان کی اہلیہ نے ان کی بات ماننے سے انکار کردیا اور انہیں نظر انداز کر کے چلی گئیں۔ ڈونلڈ ٹرمپ آج امریکی صدارت کا حلف اٹھا کر 45 ویں امریکی صدر کے منصب پر فائز ہوجائیں گے۔ عہدہ صدارت کا حلف لینے سے قبل ہونے والی تقریب میں انہوں نے بے شمار دعوے اور وعدے کیے لیکن اس وقت انہیں سخت شرمندگی اٹھانی پڑی جب ان کی اپنی اہلیہ نے ان کی بات کو بالکل نظر انداز کردیا۔ ہوا یوں کہ جب ٹرمپ کی اہلیہ میلانیا ٹرمپ تقریر کرنے کے بعد اسٹیج سے اترنے لگیں تو ڈونلڈ ٹرمپ نے انہیں سامنے کی طرف اشارہ کرتے ہوئے وہاں بیٹھنے کا کہا۔ لیکن میلانیا نے ان کی بات کو غور سے نہیں سنا اور اسٹیج سے اتر کر سیدھی ہال کے دروازے کی طرف چلی گئیں جہاں ان کا ذاتی اسٹاف اور خاندان کے دیگر افراد کھڑے تھے۔ ڈونلڈ ٹرمپ ان کی حرکت سے سخت کھسیانے ہوگئے اور سامنے بیٹھے شخص سے کہا، ’شاید وہ تمہارے ساتھ بیٹھنا نہیں چاہتی‘۔ ان کی بات پر ہال ہنسی سے گونج اٹھا لیکن پھر بھی میلانیا نے مڑ کر نہیں دیکھا۔ اس دوران ٹرمپ مستقل انہیں اسٹیج سے آواز دیتے رہے کہ ’ہنی، وہاں سامنے، بالکل سامنے‘۔ لیکن میلانیا نے پلٹ کر نہیں دیکھا اور بالآخر جگہ نہ ہونے کے سبب وہ ہال سے باہر چلی گئیں۔ اس خبر کو لائیک یا شیئر کرنے اور مزید خبروں تک فوری رسائی کے لیے ہمارا اور وزٹ کریں