تفصیلات کے مطابق نیب کو سابق وزیراعظم نوازشریف اور ان کی فیملی کے خلاف ریفرنس دائر کرنے کیلئے جے آئی ٹی رپورٹ کا والیم ٹین مل گیا۔ رجسٹرار سپریم کورٹ نے نیب کی دوسری استدعا منظور کر لی۔ ذرائع کے مطابق سپریم کورٹ رجسٹرار آفس نےنیب کو مشترکہ تحقیقاتی ٹیم کی رپورٹ کے والیم 10 کی چار مصدقہ نقول فراہم کر دیں۔ والیم دس 415 سے زائد صفحات پر مشتمل ہے۔ نیب نے جے آئی ٹی رپورٹ کی تین مکمل مصدقہ نقول بھی حاصل کر لی ہیں۔ نیب نے جے آئی ٹی کی مکمل رپورٹ کیلئے دوبارہ رجسٹرار سپریم کورٹ سے رجوع کیا تھا، والیم 10 فراہم کرنے کی پہلی استدعا مسترد کر دی گئی تھی۔ نیب کا مؤقف ہے کہ ریفرنسز فائل کرنے کیلئے والیم 10 ضروری ہے۔