چسٹرلی اسٹریٹ : ویسٹ انڈیز اور انگلینڈ کے درمیان کھیلے جانے والے واحد ٹی ٹوئنٹی میچ میں ورلڈ چیمپیئن ویسٹ انڈیز نے انگلینڈ کو باآسانی اکیس رنز سے شکست دےدی۔

تفصیلات کے مطابق چسٹرلی اسٹریٹ میں کھیلے گئے واحد ٹی ٹوئنٹی میچ میں انگلینڈ نے ٹاس جیت کر فیلڈنگ کا فیصلہ کیا۔

کرس گیل اور لوئس نے چھ اوورز میں بہتّر رنز کا طوفانی آغاز فراہم کیا لیکن دونوں کے آؤٹ ہوتے ہی بیٹنگ لائن بری طرح ڈگمگا گئی۔

ویسٹ انڈیز نو وکٹ پر ایک سو چھہتّر رنز بنانے میں کامیاب ہوئی۔ جواب میں انگلینڈ کا آغاز تباہ کن تھا۔ چونسٹھ رنز پر انگلینڈ کے چار کھلاڑی پویلین لوٹ چکے تھے۔

جوز بٹلر اور جونی بیئر سٹو نے پچاس رنز کی شراکت جوڑی۔ لیکن شراکت ٹوٹتے ہی پوری ٹیم صرف ایک سو پچپن رنز پر ڈھیر ہوگئی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔