کیا آپ اتنی بزرگ سرجن سے آپریشن کروائیں گے؟

1451 تعبيرية جمعہ 10 فروری‬‮ 7102 - (دوپہر 3 بجکر 6 منٹ)

شیئر کریں:

کیا آپ اتنی بزرگ سرجن سے آپریشن کروائیں گے؟ کیا آپ جانتے ہیں کہ روس میں ایک ایسی سرجن بھی ہیں جو کہ 89 سال کی عمر میں بھی باقاعدگی سے مریضوں کا آپریشن کرتی ہیں۔ جی ہاں! آئیے آپ کو ملواتے ہیں ان حیرت انگیز بزرگ خاتون سے جن کا نام ’آلا الائےنیچنا لی وشکنا‘ ہے اور ان کا تعلق روس سے ہے۔  لی وشکنا کی عمر 89 سال ہے اور وہ ماسکو کے قریب واقو ریازان نامی اسپتال میں ہرسال سینکڑوں آپریشن کرتی ہیں۔ لی وشکنا کا کیرئیر 67 سال پر محیط ہے جو کہ بطور سرجن حیرت انگیز ہے‘ اس طویل عرصے میں انہوں نے دس ہزار سے زائد آپریشن کیے ہیں اور انہیں فخر ہے کہ اس تمام عرصے میں ایک بھی مریض ان کے ہاتھ تلے ہلاک نہیں ہوا۔  لی وشکنا اس دنیا میں اکیلی ہیں اور اپنے فلیٹ میں معذور بھتیجے اور آٹھ بلیوں کے ہمراہ رہتی ہیں‘ ان کا کہنا ہے کہ میں اپنی جاب یعنی سرجری کے علاوہ بھی اپنے سارے کام خود کرتی ہوں اور میرا ریٹائرمنٹ کا کوئی ارادہ نہیں ہے۔  لی وشکنا نے کہا کہ یہ صرف ایک پروفیشن نہیں بلکہ اندازِزندگی ہے اگر آپ کام نہیں کررہے تو پھر ایک سرجن زندہ ہی کیوں رہے؟۔ یاد رہے کہ روس میں عموماً افراد پچاس سال کی عمر کے بعد ریٹائر ہوجاتے ہیں تاہم آلا وشکنا کا ایسا کوئی ارادہ نہیں ہے۔ یاد رہے کہ آلا الائےنیچنا لی وشکنا اس سال مئی میں 90 سال کی ہوجائیں گی‘انہیں دنیا کی معمر ترین سرجن کا اعزاز حاصل ہے۔ اس خبر کو لائیک یا شیئر کرنے اور مزید خبروں تک فوری رسائی کے لیے ہمارا اور وزٹ کریں