جادوئی ایلو ویرا کے پلک جھپکتے میں ملنے والے فوائد

1 تعبيرية بدھ 11 ستمبر‬‮ 9102 - (صبح 7 بجکر 6 منٹ)

شیئر کریں:

جادوئی ایلو ویرا کے پلک جھپکتے میں ملنے والے فوائد ایلو ویرا ایک ایسا جادوئی پودا ہے جو اپنے بے شمار فوائد رکھتا ہے۔ اس کا باقاعدہ استعمال جلد اور بالوں کے لیے نہایت مفید ہے جبکہ اس کا پینا بھی فائدہ مند ہے۔

آج ہم آپ کو ایلو ویرا کے چند فوائد بتا رہے ہیں جو صرف چند دن کے استعمال سے حاصل کیے جاسکتے ہیں۔

ایلو ویرا کا گودا، کنڈیشنر، زیتون کا تیل اور کھوپرے کا تیل ملا کر گرینڈ کرلیں۔ اس آمیزے کو بالوں میں لگائیں اور ایک گھنٹے بعد سر دھو لیں۔ بال نہایت صاف ستھرے اور نرم ملائم ہوجائیں گے۔

باقاعدگی سے ایلو ویرا چہرے پر لگانا جلد کو شفاف اور نرم کرتا ہے۔ اگر ایلو ویرا کو چاول کے آٹے میں مکس کر کے لگایا جائے تو یہ جھائیوں اور سیاہ حلقوں کا قدرتی علاج ہوگا۔

دھوپ سے جھلسی جلد کے لیے ایلو ویرا کا گودا آئس کیوبز ٹرے میں ڈال کر جما لیں۔ جمنے کے بعد برف بنے ایلو ویرا کی جلی ہوئی جلد پر ٹکور کریں۔

موسم سرما کے علاوہ موسم گرما میں بھی پانی کی کمی کی وجہ سے جلد خشک ہوجاتی ہے۔ اس کے لیے ایلو ویرا کا پتہ شہد کے ساتھ پیس لیں اور اسے ہاتھ پاؤں کی خشک جلد پر لگائیں۔ پہلی ہی بار میں واضح فرق نظر آئے گا۔

بازار سے میک اپ ریموور خریدنے کے بجائے گھر میں ہی ایلو ویرا کا گودا، شہد اور گلیسرول ملا کر گرینڈ کر کے قدرتی میک اپ ریموور تیار کرلیں۔ یہ نہ صرف میک اپ صاف کرے گا بلکہ جلد کو بھی ترو تازہ کردے گا۔