60 سال قبل مرنے والا ہیرو فلم میں دوبارہ کاسٹ

1 تعبيرية جمعہ 8 نومبر‬‮ 9102 - (سپہر 4 بجکر 83 منٹ)

شیئر کریں:

60 سال قبل مرنے والا ہیرو فلم میں دوبارہ کاسٹ واشنگٹن : فلمی لیجنڈ جیمز ڈین موت کے 60 برس بعد پھر اسکرین پر واپس آنے کےلیے تیار ہیں، جیمز ڈین کی واپسی پرانی تصاویر اور ویڈیوز سے سے یقینی بنائی جائے گی۔

غیر ملکی خبر رساں ادارے کی رپورٹ کے مطابق معروف ہالی ووڈ اسٹار جیمز ڈین ایک مرتبہ پھر اسکرین پر اپنی صلاحیتوں کا جادو دکھانے کےلیے تیار ہیں جو سنہ 1955 میں ایک کار حادثے میں ہلاک ہوچکے ہیں۔

ہالی ووڈ رپورٹر کا کہنا تھا کہ جیمز ڈین 24 سال کی عمر میں ایک کار حادثے کا شکار ہوئے تھے جو ان کی موت کا باعث بنا تھا لیکن اب وہ ویت نام جنگ پر بنائے گئے ایکشن سے بھرپور ڈرامہ ’فائنڈنگ جیک‘ میں بعد از مرگ کاسٹ کرلیے گئے ہیں۔

پروڈکشن ہاؤس میجک سٹی فلمز نے گیرتھ کروکر کے 2008 کے ناول میں ہالی ووڈ لیجنڈ کی شبیہ دکھانے کےلیے ان کے اہل خانہ سے ان کی تصاویر استعمال کرنے کے حقوق حاصل کرلیے ہیں۔

واضح رہے کہ کتاب کی کہانی امریکی فورسز کے کتوں کے گرد گھومتی ہے جنہیں ویت نام میں تعینات کیا گیا تھا تاہم بعد میں انہیں ویتنام میں ہی چھوڑ دیا گیا تھا۔

جیمز ڈین1950 میں دنیا بھر کی پسندیدہ فلمی شخصیت بن گئے تھے اور انہوں نے اپنی زندگی ختم ہونے قبل ’ریبل ودآؤٹ کاز‘ اور ’ایسٹ آف ایڈن‘ میں بھی اداکاری کرچکے ہیں۔

ہالی ووڈ رپورٹر کا کہنا ہے کہ ڈین اس نوجوانوں کے لیے رول ماڈل اور ہر دلعزیز شخصیت بن چکے تھے۔

مستقبل میں سینما گھروں کی زینت بننے والی فلم میں جیمز ڈین روگن کے کردار میں نظر آئے گے جس کو کہانی میں ثانوی مرکزی کردار کے طور پر بیان کیا گیا ہے۔

فلم کے شریک ڈائریکٹر انتون ارنسٹ کا کہنا ہے کہ ہم نے مذکورہ کردار کےلیے کئی مہینوں بہترین اداکار تلاش کرنے کے بعد روگن کے کردار کےلیے جیمز ڈین کو ہی کاسٹ کرنے کا فیصلہ کیا۔

ان کا کہنا ہے کہ ہمیں بہت فخر محسوس ہورہا ہے کہ جیمز کے اہل خانہ ہمارا ساتھ دے رہے ہیں اور ہم اس بات کو یقینی بنائیں گے کہ جیمز ڈین کی شخصیت ایک لیجنڈ فلم اسٹار کے طور پر برقرار رہے۔

ڈین کی شبیہہ آرکائیو فوٹیج اور تصاویر کے استعمال سے کمپیوٹر سے تیار کردہ امیجری (سی جی آئی) کے ذریعے تیار کی جائے گی ، جبکہ دوسرا اداکار اپنی آواز فراہم کرے گا۔

دوسری جانب لوگوں نے اس عمل کو تنقید کا نشانہ بھی بنایا ہے۔ کیپٹن امریکا مشہور کردار نبھانے والے اداکار کرس ایونز نے ٹویٹ میں کہا کہ ’یہ انتہائی افسوس ناک ہے ممکن ہے ہمیں پکاسو پینٹ کےلیے نیا کمپیوٹر مل جائے، یہاں نہ سمجھنے کی کمی شرمناک ہے‘۔

غیر ملکی خبر رساں ادارے کا کہنا ہے کہ فلم اگلے نومبر میں ریلیز کی جائے گی، اس کے بنانے والوں کو امید ہے کہ اس ٹیکنالوجی کا استعمال دوسرے مردہ کرداروں کو بھی دوبارہ پردے پر لانے میں کارگر ثابت ہوسکتا ہے۔