ایڈنبرگ : برطانوی ریاست اسکاٹ لینڈ مسافر ٹرین گائے کی وجہ سے ایک گھنٹہ تاخیر کا شکار ہوگئی، جس کے باعث ریلوے حکام کو مسافروں سے معذرت مانگنا پڑی۔
غیر ملکی خبر رساں ادارے کی رپورٹ کے مطابق برطانوی ریاست اسکاٹ لینڈ کی پہاڑی گائے عام گائے سے زیادہ بھاری بھرکم ہوتی ہے، لیکن بھاری بھرکم گائے مسافر بردار ٹرین کو روک لے گی یہ کبھی نہیں سوچا تھا۔ جی ہاں اسکاٹ لینڈ میں ایک پہاڑی گائے کے باعث مسافر ٹرین کو ایک گھنٹہ تاخیر کا شکار ہونا پڑا۔ اسکاٹ لینڈ کے ریلوے ملازمین نے بتایا کہ ایک بھاری بھرکم گائے کو ریلوے کی پٹریوں پر گھومتے پھرتے دیکھا گیا جس کی وجہ سے مسافر ٹرین ایک گھنٹے کے لیے رکی رہی۔ اس حوالے سے اسکاٹ لینڈ ریلوے کی جانب سے ایک ٹوئٹ بھی کی گئی جس میں کہا گیا کہ ایک بڑی اور لمبے بالوں والی گائے قریبی پولوک کنٹری پارک سے فرار ہوکر ریل کی پٹریوں پر آگئی تھی جو کافی دیر اس پر گھوم پھر رہی تھی اور اس کی وجہ سے ایک گھنٹے تک ٹرین کا راستہ بلاک رہا۔We've moved the animal clear of the railway assisted by @GlasgowCC staff. @ScotRail services are returning to normal, though there is some disruption ongoing at Glasgow Central while trains which were unable to depart are moved from the station. pic.twitter.com/13Imucs0h1 — Network Rail Scotland (@NetworkRailSCOT) January 14, 2020ادارے نے ٹوئٹ کے ذریعے معذرت کرتے ہوئے لکھا کہ ہم تاخیر کی وجہ سے آپ سے معذرت خواہ ہیں. ۔بعد ازاں اسکاٹ لینڈ ریلوے کی جانب سے ایک ویڈیو شیئر کی گئی جس میں دیکھا جا سکتا ہے کہ گائے کو چارے سے بھری ایک ٹوکری کے ذریعے ریلوے کی پٹریوں سے ہٹایا گیا۔ حکام کا کہنا تھا کہ اس پہاڑی گائے کی وجہ سے مسافرین کو ایک گھنٹے تاخیر کا شکار رہنا پڑا تھا۔