سوات: غیرت کے نام پر بیوی سمیت 2 افراد کا قتل

3 تعبيرية منگل 23 فروری‬‮ 1202 - (صبح 6 بجکر 8 منٹ)

شیئر کریں:

سوات: غیرت کے نام پر بیوی سمیت 2 افراد کا قتل سوات: صوبہ کے پی کے ضلع سوات میں شوہر نے غیرت کے نام پر بیوی سمیت دو افراد کو قتل کردیا۔

تفصیلات کے مطابق افسوسناک واقعہ سوات کے علاقے مدین میں پیش آیا، جہاں شوہر نے غیرت کے نام پر بیوی سمیت دو افراد کو موت کے گھاٹ اتاردیا، واقعے کی اطلاع ملنے پر پولیس جائے حادثے پر پہنچی اور لاشوں کو اسپتال منتقل کیا۔

بعد ازاں پولیس نے ملزم کی گرفتاری کے لئے چھاپے مار کارروائی شروع کی تو ملزم پولیس کے ہاتھ آگیا، جہاں پولیس نے ملزم سے واقعے کی تحقیقات شروع کردی ہیں۔

واضح رہے کہ سوات میں غیرت کے نام پر خواتین کو قتل کرنے کے واقعات میں تشویشناک حد تک اضافہ ہوگیا ہے، گذشتہ سال کے مئی کے مہینے میں چھ خواتین کو غیرت کے نام پر قتل کیا گیا۔

سوات میں غیرت کے نام پر نوجوان قتل،خاتون زخمییہ بھی پڑھیں:  سوات میں غیرت کے نام پر نوجوان قتل،خاتون زخمی

پاکستان میں گذشتہ کئی سالوں سے خواتین کے خلاف جرائم کے خاتمے اور ان کے تحفظ کو ممکن بنانے کے لیے بہت سارے قوانین بنائے گئے ہیں لیکن آج تک کبھی کسی ادارے نے اس بات کا اندازہ لگانے کی کوشش نہیں کی کہ ان قوانین پر کس حد تک عمل درآمد کیا جاتا ہے اور اگر نہیں کیا جاتا تو ایسی کون سی مشکلات اور رکاوٹیں ہیں جس کے حل کے لیے باقاعدہ اقدامات کرنے کی ضروریات کا اندازہ لگایا جائے۔