شہباز گل کو پمزاسپتال سے ڈسچارج کرنے کا فیصلہ

1 تعبيرية جمعرات 18 اگست‬‮ 2202 - (شام 7 بجکر 22 منٹ)

شیئر کریں:

شہباز گل کو پمزاسپتال سے ڈسچارج کرنے کا فیصلہ اسلام آباد: ڈاکٹروں کے میڈیکل بورڈ نے سابق وزیراعظم عمران خان کے چیف آف اسٹاف شہباز گل کو پمز اسپتال سے ڈسچارج کرنے کا فیصلہ کیا ہے۔

اے آر وائی نیوز کی رپورٹ کے مطابق پمز اسپتال کے 6 رکنی میڈیکل بورڈ کا اجلاس ختم ہوگیا ہے، میڈیکل بورڈ کو شہباز گل کی تمام رپورٹس موصول ہوگئی ہیں، جس کے بعد میڈیکل بورڈ نے شہباز گل کو صحت مند قرار دے دیا ہے

ذرائع کا کہنا ہے کہ شہبازگل کو اسپتال سے ڈسچارج کے بعد پولیس کے حوالے کیا جائے گا۔

شہباز گل سے ملاقاتوں پر پابندی عائد، میڈیکل بورڈ کے ارکان کی تعداد میں اضافہیہ بھی پڑھیں: شہباز گل سے ملاقاتوں پر پابندی عائد، میڈیکل بورڈ کے ارکان کی تعداد میں اضافہ

خیال رہے کہ شہبازگل کو سانس لینے میں دشواری کی شکایت تھی، جس کے باعث انہیں گزشتہ رات پمز اسپتال منتقل کیا گیا تھا، جہاں اسپتال انتظامیہ نے میڈیکل بورڈ تشکیل دیا تھا۔ گزشتہ رات ڈاکٹرز کی تجویز پر شہبازگل کی ای سی جی ٹیسٹ کیا گیا تھا، اسپتال ذرائع کا کہنا تھا کہ ان کی ای سی جی مکمل طور پر نارمل نہیں ہے، شہبازگل کو طویل عرصہ سے سانس کا عارضہ لاحق ہے۔