چیتا پھرتی سے اپنے شکار کو دبوچنے کے لیے مشہور ہے، لیکن ایک بندر کو درخت پر چڑھ کر شکار کرنے کا خیال بلاشبہ اس کے لیے مہنگا ثابت ہو سکتا ہے۔
ایسا ہی ایک واقعہ ایک چیتے کے ساتھ پیش آیا، جس کی مختصر ویڈیو نے سوشل میڈیا پر صارفین کو بڑی تعداد میں اپنی طرف متوجہ کیا، اور جس نے بھی اسے دیکھا، چیتے کے انجام پر مسکرا کر رہ گئے۔ یہ ویڈیو بھارتی فاریسٹ افسر پراوین انگوسامی نے اپنے ٹوئٹر اکاؤنٹ پر اپ لوڈ کی ہے، جس میں ٹائیگر ایک درخت پر چڑھا ہوا ہے کہ اور نہایت احتیاط کے ساتھ بندر کو شکار کرنے کی کوشش کر رہا ہے۔ تیس سیکنڈ کی اس ویڈیو میں درخت پر چیتا دھیرے سے ایک بندر کی طرف بڑھتا دکھائی دیتا ہے، بندر اس سے بس ذرا سے فاصلے پر ایک پتلی شاخ سے لٹک رہا ہے، اور معصومیت سے چیتے کی طرف دیکھ رہا ہے۔Don’t push your weaknesses, always know & play with your strengths. pic.twitter.com/vhPmxy8nu8 — Praveen Angusamy, IFS #x1f43e; (@PraveenIFShere) March 23, 2021ویڈیو میں دیکھا جا سکتا ہے کہ چیتا خود کو پرسکون رکھنے کی کوشش کر رہا ہے اور احتیاط سے قدم اٹھاتا ہے، اور لپک کر بندر کو دبوچنے کے لیے بالکل تیار ہے، لیکن پھر بندر نے خطرے کے موقع پر اپنی فطری جسمانی چابک دستی کا مظاہرہ دکھا دیا۔ بندر نے ٹائیگر نے حملے سے قبل ایک اور شاخ پر چھلانگ لگا دی، اور نتیجے میں چیتا کمزور شاخوں پر اپنا توازن برقرار نہ رکھ سکا اور دھم سے زمین پر جا گرا، زمین پر گرنے کے بعد چیتے نے اوپر دیکھتے ہوئے ہلکی سی غراہٹ نکالی، جو اس کی ناکامی کا اظہار معلوم ہوتا ہے۔ جب سے یہ ویڈیو شیئر ہوئی، ٹوئٹر پر اسے 15 ہزار کے قریب لوگوں نے دیکھا، اسے فیس بک اور انسٹاگرام پر بھی صارفین نے بڑی تعداد میں شیئر کیا۔