اسلام آباد: وزیراعظم عمران خان کے معاونِ خصوصی برائے سمندر پار پاکستانی اور ترقی برائے انسانی وسائل زلفی بخاری نے رنگ روڈ اسکینڈل میں نام آنے پر سرکاری عہدے سے استعفیٰ دے دیا۔
1/3 My Prime Minister has always said that if a person has been named rightly or wrongly in any inquiry he should cease to hold any public office till his name has been cleared of charges . Owing to the allegations in ongoing Ring Road inquiry I want to set this example.. — Sayed Z Bukhari (@sayedzbukhari) May 17, 2021زلفی بخاری کا کہنا تھا کہ ’رنگ روڈ اسکینڈل کی تحقیقات مکمل ہونےتک ازخود عہدے سے علیحدہ ہو رہا ہوں‘۔ انہوں نے معاملےکی تحقیقات کیلئے جوڈیشل کمیشن قائم کرنے کا مطالبہ بھی کیا۔ چیئرمین نیب کا راولپنڈی رنگ روڈ منصوبے میں مبینہ کرپشن کی تحقیقات کا حکممزید پڑھیں: چیئرمین نیب کا راولپنڈی رنگ روڈ منصوبے میں مبینہ کرپشن کی تحقیقات کا حکم زلفی بخاری نے تحقیقات میں تعاون کی یقین دہانی کراتے ہوئے کہا کہ میں ہر قسم کی تحقیقات کےلیے تیار ہوں اور پاکستان میں ہی رہوں گے، وزیراعظم عمران خان کے نظریے اور وژن کے ساتھ آئندہ بھی کھڑا رہوں گا۔
3/3 I’m here to stay in Pakistan and stand united with the Prime Minister and his vision. I sacrificed my life overseas to come and serve my country, I am ready to face any inquiry. — Sayed Z Bukhari (@sayedzbukhari) May 17, 2021انہوں نے مزید لکھا کہ ’شفاف تحقیقات کے لیے سرکاری عہدے سےعلیحدگی اختیار کی کیونکہ عمران خان نے ہمیشہ کہا عوامی عہدہ رکھنے والا شخص تحقیقات پر اثرانداز نہ ہو، میں وزیراعظم کے وژن کےمطابق مثال قائم کرناچاہتا ہوں‘۔ یاد رہے راولپنڈی رنگ روڈ انکوائری میں بڑے پیمانے پر بے قاعدگیوں کا انکشاف ہوا تھا، انکوائری میں بتایا گیا کہ سابق کمشنر محمد محمود نے رنگ روڈ کی سمت میں غیر قانونی تبدیلی کرائی اور کنسلٹنٹس کی ملی بھگت کے ساتھ رنگ روڈ کی سمت تبدیلی کے لیے غیر قانونی طور پر بولیوں کا اشتہار دیا ، محمد محمود، سابق ایل اے سی وسیم تابش، سابق افسر عبداللہ بے قاعدگیوں میں ملوث پائے گئے۔ ذرائع کا کہنا تھا کہ تینوں مجاز افسران نے اختیارات سے تجاوز کیا اور فنڈز میں خوردبرد کی، رنگ روڈ میں بے قاعدگیوں کا مقصد رینٹل سنڈیکیٹ کو فائدہ پہنچانا تھا، تینوں افسران نے رینٹل کا اپنا سنڈیکیٹ بھی بنا رکھا تھا، ملزمان نے رنگ روڈ منصوبے کی آڑ میں رئیل اسٹیٹ کی قیمتوں میں مصنوعی اضافہ کرایا جبکہ ملزمان کے ساتھ موجودہ اور سابق سرکاری افسران بھی ملوث نکلے۔ رنگ روڈ اسکینڈل، فیکٹ فائنڈنگ کمیٹی کی رپورٹ مکمل، پبلک کرنے کی منظوریمزید پڑھیں: رنگ روڈ اسکینڈل، فیکٹ فائنڈنگ کمیٹی کی رپورٹ مکمل، پبلک کرنے کی منظوری ذرائع کے مطابق کہ تینوں افسران کے خلاف کارروائی کے لیے کیس قومی احتساب بیورو (نیب) کو بھیج دیا گیا ہے، نیب منصوبے میں 2 ارب 30 کروڑ کے گھپلوں کی انکوائری کرے گا۔ بعد ازاں وزیر اعلیٰ پنجاب عثمان بزدار نے رنگ روڈ اسکینڈل کے حوالے سے تحقیقاتی رپورٹ پبلک کرنے کی منظوری دیتے ہوئے ذمہ داران کے خلاف بلا امتیاز کارروائی کا حکم دیا تھا۔
