صحت سہولت موبائل ایپ کا اجرا

1 تعبيرية بدھ 23 جون‬‮ 1202 - (صبح 9 بجکر 84 منٹ)

شیئر کریں:

صحت سہولت موبائل ایپ کا اجرا اسلام آباد: وزیر اعظم عمران خان کے معاون خصوصی ڈاکٹر فیصل سلطان نے صحت سہولت موبائل ایپ کا اجرا کر دیا، ان کا کہنا تھا کہ صحت انصاف کارڈ حکومت کا انقلابی پروگرام ہے۔

تفصیلات کے مطابق وفاقی دارالحکومت اسلام آباد میں اسٹیٹ لائف بلڈنگ میں صحت سہولت موبائل ایپ لانچنگ کی تقریب منعقد ہوئی۔ معاون خصوصی برائے صحت ڈاکٹر فیصل سلطان نے ایپ کی تقریب رونمائی میں شرکت کی۔

ڈاکٹر فیصل سلطان نے صحت سہولت موبائل ایپ کا اجرا کر دیا، اس موقع پر اپنے خطاب میں ان کا کہنا تھا کہ صحت کا شعبہ حکومت کی اولین ترجیح ہے، یونیورسل ہیلتھ کوریج یقینی بنانے کے لیے مؤثر اقدامات جاری ہیں۔

انہوں نے کہا کہ صحت انصاف کارڈ حکومت کا انقلابی پروگرام ہے۔

ڈاکٹر سلطان کا مزید کہنا تھا کہ صحت سہولت پروگرام کا دائرہ کار ملک بھر تک پھیلا دیا ہے، 90 اضلاع میں صحت سہولت پروگرام کامیابی سے جاری ہے۔