لاہور : فاسٹ باؤلر فضل محمود اور لیگ اسپنر عبدالقادر کا نام بھی پاکستان کرکٹ بورڈ کے ہال آف فیم میں شامل کردیا گیا ہے۔

پاکستان کرکٹ بورڈ نے دنیائے  کرکٹ کا مشہور نام فضل محمود اور عبدالقادر کی خدمات کا اعتراف کرتے ہوئے پاکستان کرکٹ بورڈ نے دونوں شخصیات کا نام ہال آف فیم میں شمال کرلیا ہے۔

ہر سال تین شخصیات کی خدمات کا اعتراف کرتے ہوئے انہیں خراج تحسین پیش کرنے کےلیے ہال آف فیم میں ان کا نام شامل کیا جاتا ہے، رواں برس فاسٹ بولر فضل محمود اور لیگ اسپنر عبدالقادر کا نام شامل ہوئے ہیں جب کہ تیسرے نام کا اعلان بعد میں کیا جائے گا۔

خیال رہے کہ ان سے قبل حنیف محمد، وزیر اعظم عمران خان، ‏جاوید میانداد، وسیم اکرم، وقار یونس اور ظہیر عباس کے ناموں کو آزاد پینل کی منظوری سے ہال آف فیم کا حصّہ بنایا جاچکا ہے۔