وزیراعظم سے ملاقات، آن لائن کمپنی دراز کا مزید سرمایہ کاری اور ای کامرس کی توسیع میں دلچسپی کا اظہار

1 تعبيرية جمعرات 25 نومبر‬‮ 1202 - (صبح 8 بجکر 95 منٹ)

شیئر کریں:

وزیراعظم سے ملاقات، آن لائن کمپنی دراز کا مزید سرمایہ کاری اور ای کامرس کی توسیع میں دلچسپی کا اظہار اسلام آباد: وزیراعظم عمران خان سے ملاقات میں آن لائن کمپنی دراز گروپ کے سی ای او نے مزید سرمایہ کاری اورای کامرس کی توسیع میں دلچسپی کا اظہار کردیا۔

تفصیلات کے مطابق وزیراعظم عمران خان سے آن لائن کمپنی دراز گروپ کے سی ای او بجارک میکلسن کی ملاقات ہوئی ، ملاقات میں شوکت ترین، چیئرمین ایس ٹی زیڈ اے جناب عامر ہاشمی شریک تھے۔

ملاقات میں وزیراعظم نے کہا کہ پاکستان ای کامرس کیلئے بہت وسیع مارکیٹ رکھتا ہے، ای کامرس سے روزگار کے مواقع پیدا ہوں گے اور معاشی ترقی میں مدد ملے گی۔

عمران خان کا کہنا تھا کہ حکومت کاروبار میں آسانی پالیسی کے تحت مکمل تعاون فراہم کر رہی ہے، جس پر کمپنی سی ای او نے مزید سرمایہ کاری اورای کامرس کی توسیع میں دلچسپی کا اظہار کیا۔

یاد رہے رواں سال اگست میں پاکستانی ای کامرس کمپنی دراز کے نمائندوں نے شوکت ترین سے ملاقات کی تھی ، اس موقع پر شوکت ترین کا کہنا تھا کہ دراز جیسے پلیٹ فارم کی معاونت سے پاکستان میں چھوٹے اور درمیانہ درجہ کے کاروبار کو فروغ دینے کی وسیع گنجائش موجود ہے۔ اس طرح کی مشترکہ کوششوں سے ملک میں نوجوانوں کو روزگار کے مواقع بھی فراہم ہوں گے۔