امریکی بزنس مین ایلون مسک کے بیان پر بھارتی سیاستدان الیکٹرک کار کمپنی اپنی اپنی ریاستوں میں کھلوانے کے لیے سرگرم ہوگئے
دنیا کے امیرترین اور امریکی کاروباری شخصیت ایلون مسک نے اپنے بیان میں صرف یہ کہا تھا کہ حکومتی چیلنجز کے باعث انکی الیکٹرک کار کمپنی ٹیسلا کی مقامی لانچنگ میں تاخیر ہوئی ہے۔ ایلون کا اتنا کہنا تھا کہ بھارتی سیاستدان ٹیسلا فیکٹری اپنی اپنی ریاستوں میں کھلوانے کے لیے ٹوئٹر پر سرگرم ہوگئے اور ایلون مسک کی توجہ حاصل کرنے کے لیے انہوں نے اپنی اپنی ریاستوں کی تعریفوں کے پل باندھ دیے۔ ہوا صرف اتنا کہ ایلون مسک سے کمپنی کے آغاز کی ممکنہ تاریخ کی بابت سوال کیا گیا تھا جس پر انہوں نے تفصیلات بتائے بغیر ٹوئٹ کیا کہ ان کی کیلیفورنیا میں قائم کمپنی حکومت کے ساتھ بہت سے چیلنجز پر کام کررہی ہے۔ ٹوئٹ کے آنے کی دیر تھی کہ متعدد بھارتی ریاستوں کے وزرا اپنی اپنی پیشکشیں لیے ٹوئٹر پر آگئے۔ کسی نے اپنی ریاست کو کاروبار دوست قرار دیا تو کسی نے بہترین انفرااسٹرکچر سے آگاہ کرنا ضروری سمجھا۔ مغربی بنگال کے وزیر کا کہنا تھا کہ ان کے ہاں بہترین انفرااسٹرکچر اور کاروباری تصور موجود ہے۔ جنوبی ریاست تنلنگانہ کے وزیر تجارت ٹی راما راؤ نے ایلون مسک کو اپنی ریاست میں کاروبار کرنے کی پیشکش کرتے ہوئے کہا کہ ہمیں ٹیسلا کمپنی کو اپنی ریاست میں کاروباری شراکت دار بنانے میں خوشی ہوگی۔Hey Elon, I am the Industry & Commerce Minister of Telangana state in India Will be happy to partner Tesla in working through the challenges to set shop in India/Telangana Our state is a champion in sustainability initiatives & a top notch business destination in India https://t.co/hVpMZyjEIr — KTR (@KTRTRS) January 14, 2022ادھر مہاراشٹر کے وزیرترقی نے اپنی ریاست کی کاروبار دوست خاصیت سے ایلن کو متعارف کرایا تو سابق کرکٹر اور حالیہ سیاستدان بھارتی پنجاب کے رکن اسمبلی نوجوت سدھو بھی پیچھے نہ رہے اور وہ بھی اس میدان میں کود پڑے اور اپنی ریاست کی تعریفوں کے پل باندھ دیے۔
I invite @elonmusk, Punjab Model will create Ludhiana as hub for Electric Vehicles & Battery industry with time bound single window clearance for investment that brings new technology to Punjab, create green jobs, walking path of environment preservation & sustainable development https://t.co/kXDMhcdVi6 — Navjot Singh Sidhu (@sherryontopp) January 16, 2022لیکن وہ کہتے ہیں نا کہ ‘‘انگور کھٹے ہیں’’ اس مثل کے مصداق ایلن مسک نے بھی بھارتی سیاستدانوں کی ان پیشکشوں پر تاحال کوئی ردعمل ظاہر نہیں کیا ہے۔