لاہور: عوامی تحریک کے سربراہ ڈاکٹر طاہر القادری نے مطالبہ کیا ہے کہ فرد جرم حقائق پرمبنی ہے، نواز شریف کوگرفتارکیاجائے۔
تفصیلات کے مطابق عوامی تحریک کے سربراہ ڈاکٹر طاہر القادری نے پی اےٹی کی سنٹرل کورکمیٹی سے ویڈیو لنک پر خطاب کرتے ہوئے کہا کہ معاشی دہشت گرد کی جگہ قاتل اعلیٰ کولانے سےبحران بڑھے گا، شہباز شریف کرپشن میں ملوث اور14 بے گناہوں کےقاتل ہیں۔ طاہر القادری کا کہنا تھا کہ ن لیگ نےجھوٹے کو صدر بناکرپیغام دیا وہ کرپشن کی حامی ہے، بے گناہوں کے قاتل شہباز شریف کو بھی گرفتار کیا جائے، نواز اور شہبازشریف سےرعایت کامطلب آئین ،عدلیہ سےانحراف ہوگا۔ سربراہ عوامی تحریک نے مطالبہ کیا کہ فرد جرم حقائق پرمبنی ہے، نواز شریف کوگرفتارکیاجائے۔ انھوں نے مزید کہا کہ شہباز شریف قاتل ہیں ،تفصیل باقرنجفی کمیشن کی رپورٹ میں ہے، بحران کا حل نئے الیکشن نہیں،کرپشن کوتحفظ دینے والےنظام کی تبدیلی ہے۔ اس سے قبل ڈاکٹر طاہرالقادری کا کہنا تھا کہ نوازشریف کےاندربھی بانی ایم کیوایم چھپا ہوا ہے، شریف برادران کا نام نہاد احتساب ہورہا ہے، موجودہ نظام کےتحت 20سال میں بھی احتساب نہیں ہوگا، یہ سپریم کورٹ کوسپریم کورٹ اورقانون کوقانون نہیں مانتے۔ طاہر القادری کا کہنا تھا کہ نوازشریف اداروں اورملک کی معیشت کوبربادکررہےہیں، لیگی وزیر پاکستان کے لئے ہر روز مشکلات پیدا کررہےہیں، ملک میں سازش کےتحت انتشار پھیلایا جارہاہے، سازش ملک کی سالمیت اور وجود کیخلاف ہورہی ہے، قانون جب مضبوط ہوگاتوجرح ہوگی اوربلایا جائےگا۔ یاد رہے گذشتہ روز آصف زرداری نے بھی مطالبہ کیا تھا کہ کرپشن کے سنگین مقدمات میں ملوث شریف خاندان کو فوری گرفتار کیا جائے، ان کا احتساب وی وی آئی پی طریقے سے کیا جارہا ہے، جس طرح ہمارا احتساب ہوا ان کا بھی احتساب کیا جائے۔
ہفتہ 21 اکتوبر 7102 - (صبح 11 بجکر 61 منٹ)
