تفصیلات کے مطابق نیوزی لینڈ اور پاکستان کے درمیان ویلنگٹن میں کھیلے جانے والے پانچویں اور آخری ایک روزہ میچ میں نیوزی لینڈ نے پاکستان کو 272 رنز کا ہدف دیا ہے۔

میزبان ٹیم نیوزی لینڈ کی جانب سے کولن منرو اور مارٹن گپٹل نے اننگزکا آغاز کیا اور 52 رنز کے مجموعی اسکور پر نیوزی لینڈ کی پہلی وکٹ گری۔

نیوزی لینڈ کے کولن منرو 34 رنز بناکر رومان رئیس کی گیند پر کیچ آؤٹ ہوئے جبکہ 101 کے مجموعی اسکور پرکیوی کپتان کین ولیمسن 22 رنز بناکر یاسرامین کا شکار بنے۔

مہمان ٹیم کے اوپنرمارٹن گپٹل سنچری اسکور کرنے کے بعد رومان رئیس کی گیند پرآؤٹ ہوئے۔ روس ٹیلر 59 رنز بناکر فہیم اشرف کی گیند پرآؤٹ ہوئے۔

ہنری نکلولس ایک رن بنانے کے ساتھ رن آؤٹ ہوئے جبکہ لیتھم 2 رنز بنانے کے بعد فہیم اشرف کی گیند پر سرفراز کے ہاتھوں کیچ آؤٹ ہوئے۔

نیوزی لینڈ کے کھلاڑی سینٹنر ایک رن بنانے کے بعد رن آؤٹ ہوئے جبکہ گرینڈ ہوم 27 رنز بناکر ناٹ آؤٹ رہے۔

یاد رہے کہ ڈنیڈن میں کھیلے جانے والے پانچ ون ڈے میچوں کی سیریز کے تیسرے میچ میں نیوزی لینڈ نے پاکستان کو 183 رنز سے شکست دے کر سیریز میں 0-4 کی برتری حاصل کرلی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔