روس، موبائل فون باتھ ٹب میں گرنے سے خاتون ہلاک

1 تعبيرية بدھ 18 ستمبر‬‮ 9102 - (دوپہر 2 بجکر 82 منٹ)

شیئر کریں:

روس، موبائل فون باتھ ٹب میں گرنے سے خاتون ہلاک ماسکو: روس میں 26 سالہ خاتون موبائل فون باتھ ٹب میں گرنے سے ہلاک ہوگئی۔

خلیج ٹائمز کی رپورٹ کے مطابق 26 سالہ روسی خاتون چارج پر لگا موبائل فون باتھ ٹب میں گرنے سے زندگی کی بازی ہار گئیں، خاتون کی والدہ نے ان کی ہلاکت کی وجہ موبائل فون باتھ ٹب گرنا قرار دیا۔

رپورٹ کے مطابق 26 سالہ ایوجنیا شولیاتیوا پیشے کے اعتبار سے اکاؤنٹنٹ تھیں، شولیاتیوا کی 53 سالہ والدہ جب گھر پہنچیں تو بیٹی کی جانب سے کوئی جواب نہ دیا گیا جب انہوں نے باتھ ٹب کا رخ کیا گیا بیٹی کو مردہ حالت میں پایا۔

یہ واضح نہیں ہوسکا ہے کہ شولیاتیوا اس وقت موبائل فون استعمال کررہی تھیں یا نہیں لیکن کہا جارہا ہے کہ چارج پر لگا موبائل فون باتھ ٹب میں گرنے سے ان کی ہلاکت ہوئی ہے۔

روسی انویسٹی گیشن کمیٹی نے واقعے سے متعلق تحقیقات کا آغاز کردیا ہے۔

واضح رہے کہ رواں سال اگست میں 10 سالہ اسکول کی طالبہ موبائل فون باتھ تب میں گرنے سے ہلاک ہوگئی تھیں، موبائل فون چارجنگ میں لگا ہوا تھا۔

اسی طرح کا ایک واقعہ اپریل میں پیش آیا تھا جب ایک سپر مارکیٹ میں کام کرنے والی 20 سالہ لڑکی اپنے گھر میں موبائل فون باتھ ٹب میں گرنے کے سبب جان کی بازی ہار گئی تھی۔

یاد رہے کہ گزشتہ سال دسمبر میں روس کی مارشل آرٹ چیمپئن ایرینا ریبنی کووا اپنا آئی فون چارجنگ کے دوران باتھ ٹب میں گرنے کے سبب ہلاک ہوگئی تھی۔