لاہور : سابق وزیراعظم نواز شریف کی میڈیکل رپورٹ آج عدالت میں جمع کرائی جائے گی ، گزشتہ روز وقت ختم ہونے کے باعث رپورٹ وصول نہیں کی جاسکی تھی، نواز شریف علاج کی غرض سے لندن میں مقیم ہیں۔
رپورٹ میں بتایا گیا فالج سے بچاؤ کیلئے دماغ کو خون منتقل کرنے والی شریان کا علاج زیر غور ہے، حتمی تشخیص تک ڈاکٹروں کی زیرنگرانی رہنا ہوگا، ڈاکٹروں نے نوازشریف کو دن میں دو بار واک کا مشورہ دیا ہے۔ رپورٹ کے مطابق ان کے پلیٹ لیٹس مستحکم کرنے کے لیےعلاج جاری ہے، محفوظ علاج کے لیے 50 ہزارسے ڈیڑھ لاکھ پلیٹ لیٹس ہونے چاہئیں ، بائی پاس کے بعد نوازشریف کی طبیعت بہتر ہے مگر شریانوں میں مسائل ہیں، نوازشریف کے دل کی ایم آر آئی بھی ہو رہی ہے۔ خیال رہے کہ سابق وزیراعظم نواز شریف 19 نومبر سے علاج کی غرض سے لندن میں مقیم ہیں جہاں ان کے مسلسل ٹیسٹ اور طبی معائنہ کیا جارہا ہے۔مزید پڑھیں : نوازشریف کی میڈیکل رپورٹ کل جمع کرانے کی ہدایت
یاد رہے نواز شریف کے ذاتی معالج ڈاکٹر عدنان کا کہنا تھا کہ نواز شریف کے پلیٹ لیٹس کا مسئلہ بے قابو ہے، انہیں دل، شوگر اور شریانوں کی بیماری لاحق ہیں۔ اس سے قبل ترجمان مسلم لیگ ن مریم اورنگزیب کا کہنا تھا کہ نواز شریف کے دماغ کو خون پہنچانے والی شریان 88 فیصد بند ہے، ڈاکٹرز نے امریکا میں علاج کی تجویز دی ہے، ڈاکٹرز شوگر ان کی مقدار اور پلیٹ لیٹس کے توازن کو اعتدال میں لانے کی کوشش کررہے ہیں تاہم پلیٹ لیٹس کی مقدار میں مسلسل کمی کی وجوہات اب تک معلوم نہیں ہوسکیں۔مزید پڑھیں: نواز شریف کے دماغ کو خون پہنچانے والی شریان 88 فیصد بند
