کراچی : شریک چیئرمین پیپلزپارٹی اور سابق صدر آصف زرداری کو آج کلفٹن میں واقع نجی اسپتال منتقل کیا جائے گا، اسپتال میں تیاریاں مکمل کرلی گئیں جبکہ اسپتال کےفورتھ فلورپرعام افرادکاداخلہ ممنوع ہیں۔
گزشتہ روزآصف علی زرداری خصوصی طیارےسےکراچی پہنچے تو بہن فریال تالپورسے ملنے ان کی رہائش گاہ گئے، شریک چیئرمین پیپلزپارٹی اور فریال تالپورمیں پارٹی امورسمیت دیگراہم امورپرتبادلہ خیال کیا گیا۔ ملاقات میں بلاول بھٹوزرداری،بختاوراور آصفہ بھٹو بھی موجود تھے، آصف زرداری کا اس موقع پر کہنا تھا کہ جمہوریت کی مضبوطی کیلئے سیاستدانوں کوقربانی دینی پڑتی ہے، اٹھارویں ترمیم کی وجہ سے صوبوں کوحقو ق مل رہےہیں، ملک میں جمہوریت کو نقصان پہنچانے نہیں دیں گے۔ یاد رہے کہ اسلام آباد ہائی کورٹ نے منی لارنڈرنگ اور پارک لین کے مقدمات میں 11دسمبر کو آصف زرداری کی طبی بنیادوں پر ضمانت منظور کی تھی، سابق صدر کو احتساب عدالت میں ایک کروڑ روپے کے مچلکے جمع کرانے کے بعد رہا کیا گیا، جبکہ پیشی کی اگلی تاریخ 17 دسمبر ہے۔مزید پڑھیں : آصف علی زرداری خصوصی طیارے سے کراچی پہنچ گئے
