کورونا وائرس ویکسین: سعودی عرب کا مثالی اقدام

1 تعبيرية جمعہ 5 جون‬‮ 0202 - (صبح 8 بجکر 32 منٹ)

شیئر کریں:

کورونا وائرس ویکسین: سعودی عرب کا مثالی اقدام ریاض : سعودی حکومت نے کورونا وائرس کے علاج کیلیے کی جانے والی کوششوں میں اپنا کردار ادا کرنے کیلئے ویکسینیشن اور امیونائزیشن کے عالمی اتحاد کو بڑی مالی امداد فراہم کرنے کا فیصلہ کیا ہے۔

تفصیلات کے مطابق سعودی عرب نے تصدیق کی ہے کہ وہ ویکسینیشن اور امیونائزیشن کے عالمی اتحاد ’گاوی، دی ویکسین الائنس‘کو کورونا وائرس سے نمٹنے کی کوششوں میں مدد کے لیے 15 کروڑ امریکی‌ ڈالر امداد دے گا۔

روا﷽ں سال مارچ میں سعودی عرب کی سربراہی میں منعقدہ جی 20 سمٹ کے دوران سعودی عرب نے اعلان کیا تھا وہ کورونا وائرس سے نمٹنے کے لیے جاری بین الاقوامی کوششوں کے لیے 50 کروڑ ڈالر امداد فراہم کرے گا۔

گزشتہ روز برطانیہ کی میزبانی میں ایک ویکسین سمٹ کے دوران سعودی وزیر خارجہ نے تصدیق کی کہ اس رقم میں سے 15 کروڑ ڈالر ‘گاوی’ کے لیے مختص کیے جا سکتے ہیں۔ سعودی وزیر خارجہ پرنس فیصل بن فرحان نے کہا کہ اس رقم میں سے15 کروڑ ڈالر گاوی کے لیے مختص کرنے کا اعلان کرتے ہوئے مجھے خوشی ہے، جس سے اس اتحاد کی انتھک کوششوں کو مدد ملے گی۔‘

واضح رہے کہ برطانوی حکومت آج ایک ویکسین سمٹ کی میزبانی کر رہی ہے اور پرامید ہے کہ ترقی پذیر ممالک میں بچوں کو امیونائز کرنے کے لیے اربوں ڈالر جمع کیے جائیں گے۔

سمٹ کے شرکا نئے کورونا وائرس کے انسداد کی کسی ممکنہ ویکسین کی عالمی سطح پر منصفانہ تقسیم کے بارے میں بھی بات چیت کریں گے۔