اسپیس ایکس کا ایک اور اسٹار شپ کامیاب لینڈنگ کے بعد تباہ، ویڈیو وائرل

1 تعبيرية جمعہ 5 مارچ‬‮ 1202 - (صبح 01 بجکر 1 منٹ)

شیئر کریں:

اسپیس ایکس کا ایک اور اسٹار شپ کامیاب لینڈنگ کے بعد تباہ، ویڈیو وائرل اسپیس ایکس کا اسٹار شپ ایس این 10 پروٹوٹائپ اسپیس کرافٹ نے پرواز کے بعد کامیاب لینڈ کی تاہم لینڈ کرتے ہی تباہ ہوگیا۔

غیر ملکی خبر رساں ادارے کی رپورٹ کے مطابق اسپیس ایکس کی جانب سے اسٹار شپ کا ایک اور کامیاب تجربہ کیا گیا، جس میں اسٹار شپ کو لینڈ کرنے کی کامیابی حاصل ہوئی اور ابھی کمپنی کا عملہ کامیابی کا جشن مناہی رہا تھا کہ اسٹار شپ آگ کے گولے میں تبدیل ہوگیا۔

اسٹار شپ نے امریکی ریاست ٹیکساس سے پرواز بھری اور پھر کامیاب لینڈنگ کی تھی تاہم چند ہی لمحوں بعد وہ دھماکے سے پھٹ گیا۔

کمپنی کے مالک ایلون مسک نے کہا ہے کہ یہ مکمل ناکامی نہیں ہے، ٹیم نے زبردست کام کیا اور ایک دن اسٹار شپ کی پروازیں انسانوں اور سو ٹن سامان کو چاند اور مریخ پر پہنچانے میں ضرور کامیاب ہوں گے۔

خیال رہے کہ اسٹار شپ ایس این 10 نےکافی حد تک کامیابی حاصل کرلی تھی، اسکے مقابلے میں دسمبر میں ایس این 8 لینڈنگ کے دوران دھماکے سے پھٹ گیا تھا جبکہ فروری میں ایس این 9 کو ناکامی کا سامنا ہوا۔