بلیو ٹوتھ چپل کے ذریعے امتحان میں نقل

1 تعبيرية پیر 27 ستمبر‬‮ 1202 - (سپہر 5 بجکر 85 منٹ)

شیئر کریں:

بلیو ٹوتھ چپل کے ذریعے امتحان میں نقل نئی دہلی: بھارت میں امتحان میں بلیو ٹوتھ ٹیکنالوجی سے نقل کرانے والے گروہ کا برا انجام ہوا۔

تفصیلات کے مطابق بھارتی ریاست راجستھان میں پولیس نے سرکاری ٹیچرز کی بھرتی کے لیے ہونے والے امتحان میں چیٹنگ کرانے والے گروہ کو پکڑ لیا۔

میڈیا رپورٹس میں کہا گیا ہے کہ پولیس نے ریاست بھر میں چھاپے مار کر اس گروہ کے 40 کارندوں کو گرفتار کر لیا ہے، معلوم ہوا ہے کہ یہ گروہ نقل کے لیے چپلوں میں کالنگ آلات نصب کرتے تھے۔

پولیس کے مطابق بیکانیر میں ایک خاتون سمیت گروہ کے 5 کارندے پکڑے گئے، جو امتحان دینے والے امیدواروں کی چپلوں میں بلیو ٹوتھ ڈیوائس لگاتے تھے اور چپلوں کا یہ جوڑا 6 لاکھ روپے میں فروخت کرتے تھے۔

چپلوں کے سول میں ایک ننھی سی بیٹری اور ایک سم کارڈ چھپایا جاتا تھا، جب کہ امیدوار کے کان میں ننھا سا مائیکرو فون لگایا جاتا تھا، جس کے ذریعے وہ سوالات کے جوابات سن کر پرچہ حل کر لیتے۔

پولیس کے مطابق ملزمان میں ایک معطل سب انسپکٹر بھی شامل ہے جو فرار ہونے میں کامیاب ہوگیا۔

گرفتار ملزمان سے بلیوٹوتھ ڈیوائسز اور سم کارڈز برآمد کیے گئے ہیں، پولیس کا کہنا تھا کہ نیٹ ورک کا ماسٹر مائنڈ ایک کوچنگ سینٹر کا مالک تلسی رام ہے، تلسی رام نقل کے الزامات میں پہلے بھی گرفتار ہوا۔