دبئی میں مقیم ایک پاکستانی شخص پر بھارتی لڑکی کو نوکری کے لئے تربیت دینے کے بہانے جنسی حملے کا نشانہ بنانے کا شرمناک الزام لگ گیا ہے۔
گلف نیوز کے مطابق 19 سالہ لڑکی عدالت میں پیش ہوگئی، جہاں اس نے بتایا کہ 33 سالہ پاکستانی منیجر نے اسے اپنے فلیٹ میں لیجاکر ہوس کا نشانہ بنایا۔ لڑکی کا کہنا تھا کہ وہ انٹرنیٹ پر نوکری کی تلاش کررہی تھی کہ ایک رئیل سٹیٹ کمپنی کا اشتہار نظر آیا۔ جب اس نے رابطہ کیا تو پاکستانی شخص نے خود کو کمپنی کا منیجر بتایا اور اسے انٹرویو کے لئے بلالیا۔
لڑکی نے عدالت کو بتایا کہ ملزم نے اس کی عصمت دری کی کوشش کی، لیکن شدید مزاحمت پر پیچھے ہٹ گیا اور خود کو برہنہ کر کے اپنے ساتھ ہی شرمناک حرکات شروع کر دیں۔ لڑکی کا کہنا تھا کہ ملزم نے اس واقعہ کا کسی سے ذکر نہ کرنے کا وعدہ لے کر اسے جانے کی اجازت دی۔ متاثرہ لڑکی نے واقعہ کے بارے میں خاوند کو بتایا تو اس نے پولیس سے رابطہ کرلیا، جس کے بعد ملزم کو گرفتار کرلیاگیا۔ عدالت اس مقدمے کا فیصلہ 26مئی کو سنائے گی۔