کراچی : اے آر وائی ڈیجیٹل کے مقبول ترین ڈرامہ ‘میرا پاس تم ہو’ نے صرف تین ماہ میں بڑی مقبولیت حاصل کرلی، سوشل میڈیا پر مہوش کے لباس کا خوب چرچہ ہے لیکن اس لباس کی اصل قیمت کیا ہے ؟ جان کر آپ بھی حیران رہ جائیں گے۔
تفصیلات کے مطابق اے آر وائی ڈیجیٹل کے مقبول ترین ڈراما سیریل ”میرے پاس تم ہو“ ہر قسط کے ساتھ ایک نیا ریکارڈ بناتا جارہا ہے، صارفین ہر ہفتے شدت سے ڈرامے کی اگلی قسط نشر ہونے کا انتظار کرتے ہیں۔ گذشتہ قسط میں مہوش اور شہوار بالآخر شادی کے بندھن میں بننے جارہے ہوتے ہیں کہ اچانک شہوار کی بیوی (سویرا ندیم) کی ڈرامائی انٹری ہوتی ہے اور
مہوش کو تھپڑ مارتی ہے، مہوش کو تھپڑ کی آواز پورے سوشل میڈیا پر گونجی لیکن سوشل میڈیا پر مہوش کے دلہن کے لباس کے اسکرین شاٹس بھی پوسٹ کیے اور پوچھا کہ یہ کس ڈیزائنر کا لباس ہے اور اسے کس طرح خریدا جا سکتا ہے۔ 2020 میں ہونے والی شادیوں میں مہوش (عائزہ خان) کے دلہن کے لباس مانگ بڑھ گئی ہے، عائزہ کو دلہن کا جوڑا پاکستانی ڈیزائنر زینب چوٹانی نے دیا لیکن انھیں کیا معلوم تھا ان کا جوڑا اتنا مشہور ہونے والا ہے۔ پاکستانی ڈیزائنر زینب چوٹانی نے کہا معمول کا دن تھا، جب میری پاس تم ہو کی ٹیم شوٹنگ کے لئے اسٹوڈیو کا دورہ کرنے آئی اور شادی سے پہلے خریدای کت سین کو ہمارے اسٹوڈیو میں شوٹنگ کرنا چاہتے تھے، بعد میں انہوں ایک سین کے لئے لباس ادھار لیا۔ زینب چوٹانی نے بتایا شوٹ کے دوران لباس کی قیمت پر تھوڑا سا تنازعہ پیدا ہوا تھا، ڈرامہ کی ٹیم نے اصرار کیا کہ وہ اس سین میں لباس کی قیمت 3 لاکھ روپے بتائیں گے ، کیونکہ ڈرامہ کو عوام دیکھتے ہیں، لیکن میں نے انکار کر دیا اور کہا اس کی قیمت 7 لاکھ 95 ہزار ہے، تاہم بعد میں دونوں نے ساڑھے چھ لاکھ روپے بتانے پر اتفاق کیا۔
ہفتہ 14 دسمبر 9102 - (دوپہر 21 بجکر 84 منٹ)
