کراچی کے لیے 260 ملین گیلن پانی کا منصوبہ کے فورفیز ون تاخیر کا شکار

1 تعبيرية ہفتہ 11 جولائی‬‮ 0202 - (شام 7 بجکر 93 منٹ)

شیئر کریں:

کراچی کے لیے 260 ملین گیلن پانی کا منصوبہ کے فورفیز ون تاخیر کا شکار کراچی: شہر قائد کے لیے 260 ملین گیلن پانی کا منصوبہ کے فور فیز ون تاخیر کا شکار ہوگیا۔

اے آر وائی نیوز کی رپورٹ کے مطابق سندھ حکومت نے کے فور منصوبے سے متعلق وفاقی حکومت کو خط لکھ دیا، خط صوبائی سیکریٹری پلاننگ نے وفاقی سیکریٹری پلاننگ کو لکھا جس میں بتایا گیا ہے کہ کے فور منصوبہ خاص وجوہات اور ڈیزائن کی وجہ سے تاخیر کا شکار ہے۔

خط کے متن کے مطابق منصوبہ ساز کمپنی نیسپاک مسئلے کے حل کے لیے رابطے میں ہے، سندھ حکومت نے کمپنی کو ڈیزائن کے ازسر نو جائزہ لینے کا کہا تھا۔

سندھ حکومت نے موقف اختیار کیا کہ نیسپاک سے مشترکہ کمپنی ڈیلٹاز نے گزشتہ سال رپورٹ جمع کرائی تھی، عثمانی اینڈ کمپنی لمیٹڈ نے ازسر نو رپورٹ کو مسترد کردیا تھا، نیسپاک، ڈیلٹاز اور او سی ایل میں شدید اختلاف پایا جاتا ہے۔

خط کے متن کے مطابق سندھ حکومت نے نومبر 2019 میں ٹیکنیکل کمیٹی قائم کی تھی، کمیٹی او سی ایل کے ڈیزائن پر تحفظات کا جائزہ لینے کے لیے بنی تھی، کے فور منصوبہ 17 جون کو ہونے والے اجلاس میں رکھا گیا، وزیراعلیٰ سندھ نے ڈیزائن درست اور منصوبے فوراً مکمل کرنے کی ہدایت کی تھی۔

سندھ حکومت کے مطابق سندھ کابینہ نے کمیٹی کی تمام سفارشات کو منظور کیا، حتمی رپورٹ ٹیکنیکل کمیٹی نے وفاقی وزیر پلاننگ کو جمع کرادی ہے، منصوبے کا ترمیمی پی سی ون اور تیکنیکی کمیٹی کی رپورٹ تیار ہے، پلاننگ کمیشن کی منظوری کے بعد رپورٹ جمع کروادی جائے گی۔