ہربن : چین کے سرد ترین شہر ہربن میں تینتسویں سالانہ آئس اینڈا سنو فیسٹیول کا آغاز ہوگیا، جس میں دنیا بھر سے سیاح شرکت کررہے ہیں۔ چین میں نئے سال کا استقبال منفرد انداز میں کیا گیا اور سالانہ آئس فیسٹیول کا آغاز ہوگیا جہاں سیاح برف سے بنا ہوا شہر دیکھ کر حیران رہ گئے، فیسٹیول میں آتش بازی کا بھی شاندار مظاہرہ کیا گیا، تمام مجسمے نہ صرف نہایت نفاست سے تراشے گئے ہیں بلکہ دیکھنے والوں کو حیران کر دینے کیلئے بھی کافی ہیں۔ یہ میلہ ہر سال سجایا جاتا ہے برف سے دیوہیکل ،دلچسپ اور منفرد مجسمے تخلیق کر نے کے لیے دنیا بھر سے بیس ٹیمیں آئیں، ماہر فنکاروں کے برف سے بنے شاہکار سیاح دیکھتے رہ گئے جبکہ  بچے جمی برف میں پھسلن کےمزے بھی لے رہے ہیں۔ ساڑھے سات لاکھ اسکوائر میٹر رقبے پر پھیلے آئس اینڈ اسنو ورلڈ رات میں خاص طور پر زبردست نظر آتا ہے جب مجمسمے جگمگا اٹھتے ہیں۔   یہ میلہ ہر سال سجایا جاتا ہے، جو پچیس فروری تک سیاحوں سمیت مقامی لوگوں کی تفریح کا باعث بنتا ہے۔   ہربن میں ہونے والے اس آئس فیسٹیول کا آغاز 1985 میں ہوا تھا، اس کی خاص بات برف سے تراشنی ہوئی عمارتیں، گوتم بدھ کے مجسمے اور دوسری دیگر ڈیزائن کی بنی ہوئی اشیاء شامل ہیں۔ اس خبر کو لائیک یا شیئر کرنے اور مزید خبروں تک فوری رسائی کے لیے ہمارا اور وزٹ کریں