لندن فائرنگ: دو روزقبل زخمی ہونے والا مسلم نوجوان چل بسابرطانیہ میں گینگ کے ہاتھوں تشدد سے زخمی مسلمان طالبہ دم توڑگئیلندن : مشرقی لندن کے علاقے ہیکنی میں 20 سالہ نوجوان کو چاقو کے وار سے قتل کردیا گیا، نوجوان کے قاتلوں کا تاحال پتہ نہیں چلایا جاسکا۔
تفصیلات کے مطابق مشرقی لندن کے علاقے ہیکنی میں 20 سالہ نوجوان کو چاقو کے وار کرکے قتل کردیا گیا جس کے بعد رواں سال لندن میں قتل کیے جانے والے افراد کی تعداد 50 ہوگئی۔ اسکارٹ لینڈ یارڈ پولیس کا کہنا ہے کہ قتل میں ملوث کسی ملزم کو تاحال گرفتار نہیں کیا جا سکا، پولیس نے عوام سے ملزم کی تلاش میں مدد کی اپیل کی ہے۔ لندن میں چاقو اور فائرنگ کے واقعے میں تیزی سے اضافہ ہوا ہے، فروری کے مہینے میں 15 افراد کو چاقو کے وار سے قتل کردیا گیا تھا۔ لندن فائرنگ: دو روزقبل زخمی ہونے والا مسلم نوجوان چل بسا خیال رہے کہ برطانوی دارالحکومت لندن میں دو روز قبل فائرنگ کے واقعے میں زخمی ہونے والا لڑکا چل بسا‘ اسی واقعے میں ایک لڑکی موقع پر ہی ہلاک ہوگئی تھی۔ برطانیہ میں گینگ کے ہاتھوں تشدد سے زخمی مسلمان طالبہ دم توڑگئی یاد رہے کہ گزشتہ ماہ 16 مارچ کو برطانیہ میں خواتین گینگ کے سرعام تشدد سے شدید زخمی ہونے والی مسلمان طالبہ مریم مصطفیٰ جان کی بازی ہار گئی تھی۔ خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
جمعرات 5 اپریل 8102 - (صبح 9 بجکر 71 منٹ)
