کراچی : سندھ کے وزیر اطلاعات سید ناصر حسین شاہ کا کہنا ہے کہ خان صاحب وزیراعظم کی کرسی پربیٹھےتوسب ٹھیک ورنہ خراب نظرآتاہے، قصور واقعہ وہاں کی انتظامیہ کی نااہلی ہے۔

تفصیلات کے مطابق سندھ کے وزیر اطلاعات سید ناصر حسین شاہ کا کہنا ہے کہ لیاری ایکسپریس وے کاافتتاح اس ہی مہینے ہوجائے گا۔

عمران خان پر تنقید کرتے ہوئے ناصر حسین شاہ کا کہنا تھا کہ ان صاحب وزیراعظم کی کرسی پربیٹھےتوسب ٹھیک ورنہ خراب نظرآتاہے،ناصرشاہ

وزیر اطلاعات سندھ کا زینب قتل کے حوالے سے کہنا تھا کہ قصورواقعہ وہاں کی انتظامیہ کی نااہلی ہے، ایسےتمام کیسز ایک ہی علاقے میں ہوئےہیں، زینب کےواقعے کے بعد ایشو منظرعام پر آیا، اس سے پہلے بھی اس علاقے میں واقعات ہورہےتھے۔

یاد رہے چند روز قبل میڈیا سے گفتگو میں صوبائی وزیر اطلاعات کا کہنا تھا کہ حکومت گرانا نہیں چاہتے، باقرنجفی رپورٹ کے مطابق انصاف چاہتے ہیں، عمران خان کے ساتھ بیٹھنے کا کوئی شوق نہیں۔

انکا کہنا تھا کہ سندھ میں لائیو اسکلز بیسڈ ایجوکیشن دیں گے، جنسی تعلیم دینے کی اطلاعات میں صداقت نہیں ہے۔