اثاثہ جات ریفرنس: عدالت نےملزم منصوررضا کےناقابل ضمانت وارنٹ جاری کردیےاسلام آباد : سابق وزیرخزانہ اسحاق ڈار کے خلاف اثاثہ جات سے متعلق ضمنی ریفرنس میں نامزد شریک تینوں ملزمان پرفرد جرم عائد کردی گئی۔
تفصیلات کے مطابق وفاقی دارالحکومت اسلام آباد میں اسحاق ڈار کے خلاف آمدن سے زائد اثاثہ جات سے متعلق ضمنی ریفرنس کی سماعت احتساب عدالت کے جج محمد بشیر نے کی۔ اثاثہ جات ضمنی ریفرنس میں نامزد شریک ملزمان نعیم محمود، منصوررضا اور صدر نیشنل بینک سعید احمد عدالت میں پیش ہوئے جہاں ان پر فرد جرم عائد کی گئی تاہم ملزمان نے صحت جرم سے انکار کیا۔ احتساب عدالت نے ملزمان پرفرد جرم عائد کرنے کے بعد سماعت 11 اپریل تک ملتوی کرتے ہوئے آئندہ سماعت پر استغاثہ کے گواہان کو طلب کرلیا۔ اثاثہ جات ریفرنس: عدالت نےملزم منصوررضا کےناقابل ضمانت وارنٹ جاری کردیے خیال رہے کہ گزشتہ سماعت پر ضمنی ریفرنس میں نامزد ملزم منصور کے وکیل جاوید اکبر نے کہا تھا کہ مجھے التوا چاہیے، جس پرمعزز جج نے کہا کہ آپ آرام سے بات کریں، اپنا وکالت نامہ دیں۔ صدر ہائی کورٹ بارجاوید اکبر کا کہنا تھا کہ آپ کیا مجھے گولی ماردیں گے، ملزم کے وکیل عدالت میں وکالت نامہ پھینک کر چلے گئے۔ جاوید اکبر شاہ کا کہنا تھا کہ خود بھی جا رہا ہوں، ملزم کوبھی لے جارہا ہوں، عدالت نے ملزم منصوررضا کی طلبی کے لیے تین بار آواز لگوائی۔ ملزم منصوررضا آوازلگنے کے باوجود پیش نہ ہوئے۔ احتساب عدالت نے ضمنی ریفرنس میں نامزد ملزم منصور رضا کے ناقابل ضمانت وارنٹ جاری کیے تھے جبکہ صدر ہائی کورٹ بار جاوید اکبر شاہ کو شوکاز نوٹس جاری کیا تھا۔ یاد رہے کہ نیب کی جانب سے 26 فروری 218 کو دائر کیے گئے اثاثہ جات ضمنی ریفرنس میں سعید احمد، نعیم محمود اور منصور رضا کو نامزد کیا تھا۔ خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
جمعرات 5 اپریل 8102 - (صبح 9 بجکر 74 منٹ)
