![آتش بازی، عمیر جسوال اور ثنا جاوید کی ویڈیو وائرل]( "آتش بازی، عمیر جسوال اور ثنا جاوید کی ویڈیو وائرل")
پاکستانی گلوکار عمیر جسوال اور اداکارہ ثنا جاوید کی خوبصورت ویڈیو سوشل میڈیا پر وائرل ہوگئی۔
اداکارہ ثنا جاوید کے شوہر اور گلوکار عمیر جسوال نے فوٹو اور ویڈیو شیئرنگ ایپ انسٹاگرام پر ایک ویڈیو شیئر کی جس میں دونوں کو خوشگوار موڈ میں دیکھا جاسکتا ہے۔ ویڈیو میں دیکھا جاسکتا ہے کہ پیچھے آتش بازی ہورہی ہے اور عمیر جسوال اور ثنا جاوید سیلفی لے رہے ہیں۔ عمیر جسوال نے ویڈیو شیئر کرتے ہوئے لکھا کہ ’ اچانک آتش بازی یہ ایک اچھا سرپرائز تھا، گلوکارنے کیپشن میں اہلیہ ثنا جاوید کو مینشن بھی کیا۔
گلوکار نے چند گھنٹوں قبل یہ پوسٹ شیئر کی جسے مداحوں کی جانب سے خوب سراہا جارہا ہے اور ویڈیو پر تبصرے بھی کیے جارہے ہیں۔ واضح رہے کہ گزشتہ دنوں ثنا نے دنیا کی بلند ترین عمارت برج خلیفہ سے اپنی خوبصورت تصویر سماجی رابطوں کی ویب سائٹ انسٹاگرام پر اپ لوڈ کی تھیں۔
ان کی تصویر کومداحوں کی جانب سے بے حد پسند کیا گیا تھا۔ یاد رہے کہ ثنا نے متعدد ٹی وی ڈراموں اور فلموں میں اپنی اداکاری کے جوہر دکھائے ہیں، وہ اکتوبر 2020 میں گلوکار عمیر جسوال سے رشتہ ازدواج میں بندھ گئی تھیں۔
