لبنانی تنظیم حزب اللہ نے گزشتہ روز 3 ہفتوں کے دوران شام کے شہر حلب میں اپنے 26 ارکان کے ہلاک ہونے اور قیدی بنا لیے جانے کا اقرار کیا ہے۔ یہ بات تنظیم کے سکریٹری جنرل حسن نصر اللہ کے جمعے کے روز ہونے والے خطاب میں سامنے آئی۔نصر اللہ کے مطابق حلب کا معرکہ "شام میں سب سے بڑا تزویراتی معرکہ" شمار کیا جا رہا ہے۔نصر اللہ نے باور کرایا کہ ان کی ملیشیاؤں کی ایک بڑی فورس حلب میں بشار الاسد کی فوج اور اس کے حلیفوں کے شانہ بشانہ لڑ رہی ہے تاہم انہوں نے کوئی تعداد نہیں بتائی۔انہوں نے مزید بتایا کہ رواں ماہ کے آغاز سے اب تک حلب کے معرکوں میں حزب اللہ کے 26 ارکان ہلاک اور قید ہوچکے ہیں۔